Durangoko Udaleko lagunek hala eskatuta, aixe taldeak ibilbide-sarea sortu dugu. Proiektuaren helburua honako hau izan da: Proiektuaren helburua honako hau izan da:
- Basoen kontserbazioranzko sentsibilizazioan ekarpena egitea, basoetatik lorturiko etekinak basoan bertan berrinbertitu eta udalerriko landa-inguruneko baliabideak eta natura-ondarea bertakoei eta bisitariei gerturatuz
- Turismo aktiboko aukeren sustapenari ekarpena egitea
Horretarako, honako lan hauek egin ditugu:
- Zailtasun-maila, luzeera, desnibel, iraupen eta abar ezberdineko 5 ibilbidez osaturiko ibilbide-sarea sortu; elkarren arteko saretzea sustatu batetik bestera igaro ahal izateko; udal jabetzako basoak zeharkatu ahal den heinean
- Datu espazialen tratamendua eta kartografia-lanak egin eta seinaleztapen-proposamena osatu informazio-panel, zutabe/gezi eta margo-marken bidez
- Panel, gezi, xafla eta eskuorriaren diseinu pertsonalizatuak egin
- Euskarrien hornitzaileen eta Durangoko Udalaren arteko koordinazio-lanetan asienstentzia teknikoa eman
- Margo-markak egin ibilbideetan zehar
- 5 txangoen track-ak findu eta argitaratzeko prestatu
Kartografiaren xehetasunak:
Landa-eremuko mapa honetan ortoargazkiak erabili dira, hori baita baso-estaldura fidelen irudikatzeko modua. Gainera, udalerrien arteko mugak irudikatu dira eta Durangoko azalera nabarmendu da gainontzeko udalerrien azalerei maskara erdi-garden bat jarriz. Azkenik, Lurzoruaren Eredu Digitalak eragindako itzalak gehitu ditugu, erliebearen itxura egiteko eta ingurunearen errealitate geografikoa eta topografikoa irudikatzeko.
