Orioko Turismo Zerbitzuak hala eskatuta, aixe taldeak PR-Gi 158 Orio – Itxaspe eta PR-Gi 159 Lusarbe – Kukuarri mendi-ibilbideen seinaleztapena eguneratu dugu. Proiektuaren helburua honako hau izan da:
- Mendi-ibilbide homologatuak egoera onean mantentzeko Orioko Udalak sinaturiko mantentze-konpromisoak eta Gipuzkoako Mendizale Federazioak eskatutako gutxienekoak betetzea.
Horretarako, honako hauek egin ditugu:
- Ibilbideen egoera eta Federazioak eginiko eskaerak aztertu eta datuak bildu.
- Kartografia landu eta informazio-panelak diseinatu eta maketatu.
- Ibilbideetako puntuen arteko neurketak egin, datu teknikoak eskuratu eta eguneratutako seinale berriak sortu estandarretan oinarrituta eta medioan instalatu.
